ОМӮЗИШИ ИХТИСОСИ ОРТОПЕДӢ — ПРОТЕЗӢ

Душанбе, 25 май.(АМИТ «Ховар», Марзия Саидова).-Қарор аст, ки нимаи дуюми моҳи июн ду нафар шаҳрванди Ҷумҳурии Тоҷикистон тариқи озмун барои  таҳсил аз рӯи ихтисоси технологи ортопедӣ-протезӣ ба Ҷумҳурии Исломии Эрон фиристонида мешаванд. Ин ва дигар масъалаҳои тақвияти ҳамкорӣ зимни мулоқоти Вазири меҳнат ва ҳифзи иҷтимоии аҳолии Ҷумҳурии Тоҷикистон Маҳмадамин Маҳмадаминов бо директори  лоиҳаи Кумитаи байналмилалии Салиби Сурх Дидер Рик дар Душанбе баррасӣ гардиданд Назар  ба иттилои сардори шӯъбаи робитаҳои байналмилалӣ ва  ҷамъиятии Агентии давлатии ҳифзи иҷтимоӣ, шуғли аҳолӣ ва муҳоҷират Абдулло Қодирӣ,  мусоҳибон ҳамчунин, масъалаи тармиму бозсозии бинои заводи  ортопедию протезӣ ва муассисаҳову хона-  интернатҳое, ки тобеи Вазорати меҳнат ва ҳифзи иҷтимоии аҳолии ҷумҳурӣ мебошанд, муҳокима намуданд.