ОЗМУН БАРОИ ОЛИМОНИ ТОҶИК

Душанбе,  5 май. (АМИТ «Ховар», Наталя  Михайлова). —  Барномаи  «Равобити ҷамоатҳо», ки  фаъолияти он  аз  ҷониби  Агентии  рушди  байналмилалии  ИМА  сармоягузорӣ  мешавад,  барои  интихоби  иштирокчиёни таҷрибаомӯзии  касбӣ  дар  ИМА озмун эълон  менамояд. Дар  озмун   мутахассисоне  ширкат  меварзанд, ки  дар  соҳаҳои  таҳкиқоти  илмӣ  кор  кунанд. Иштирокчиёни  барнома  дар  ИМА  бо   тарзу  усулҳои  амалии  ҳамгироии  натиҷаҳои  таҳкиқоти  илмӣ  дар  фаъолияти  созмонҳои  ҳукуматӣ,  ҷамъиятӣ,  инчунин   усулҳои  таъсири  натиҷаҳои таҳқиқоти  илмӣ  ба  ҷараёни қонунгузорӣ  шинос  мегарданд. Ғолибони озмун  барои таҷрибаомӯзӣ ба  ИМА  моҳи  сентябри  соли  равон  фиристода  мешаванд. Ғолибони озмун  бо  роҳи  озмуни кушоди  умумиҷумҳуриявӣ  муайян  карда  мешаванд. Бояд  гуфт, ки  барои  иштирокчиёни  озмун  донистани  забони  англисӣ  шарт  нест.