ПЕШНИҲОДИ ПАЛАТАИ САВДО ВА САНОАТИ ТОҶИКИСТОН
Душанбе, 18 май. (АМИТ «Ховар», Покиза Маҳмадбекова). — Раиси Палатаи савдо ва саноати Ҷумҳурии Тоҷикистон Шариф Саид дирӯз зимни сӯҳбат бо ёвари Муншии умумии Палатаи савдо ва саноати мамлакатҳои исломӣ Отия Навозиш Алӣ натиҷаҳои мулоқоти соҳибкорону тоҷирони мамлакатҳои аъзои Созмони конфронси исломӣ ва роҳу усулҳои вусъат додани ҳамкорӣ, инчунин гузаронидани тадбирҳои муштаракро муҳокима намуданд. Қайд карда шуд, ки дар натиҷаи чунин мулоқотҳо равобити дуҷонибаю бисёрҷониба вусъат меёбад. Отия Навозиш Алӣ зикр кард, ки Бонки рушди исломӣ бо Агроинвестбонки Ҷумҳурии Тоҷикистон ҳамкорӣ кардан мехоҳад. Дар мулоқоти тоҷирону соҳибкорони мамлакатҳои исломӣ таъкид карда шуд, ки дар Тоҷикистон тиҷорати хурду миёна ва хусусиро вусъат додан зарур аст. Бонки рушди исломӣ дар ин бобат саҳм гузошта метавонад, гуфт меҳмон. Шариф Саид ба меҳмон пешниҳод намуд, ки дар шаҳри Душанбе намоишгоҳи байналмилалии саноатии мамлакатҳои аъзои Созмони конфронси исломӣ ташкил карда шавад. Отия Навозиш Алӣ Шариф Саидро даъват намуд, ки дар маҷлиси Палатаи савдо ва саноати мамлакатҳои исломӣ дар Урдун, инчунин дар ярмаркаи Шарҷа ширкат варзад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
