САФАРИ ГУРӮҲИ КОРИИ ВАЗОРАТИ КИШОВАРЗӢ БА ВМБК

Душанбе, 14 май. (АМИТ «Ховар», Дилшодаи Ҷонмард).- Бо фармони вазири кишоварзии   Ҷумҳурии Тоҷикистон Қ.Қосимов таҳти  роҳбарии муовини вазири кишоварзӣ Султонноёбов Ю.Ю  бо мақсади  расонидани кӯмаки амалию  методӣ  ба хоҷагиҳои кишоварзии Вилояти Мухтори Кӯҳистони Бадахшон сафар намуданд.   Гурӯҳи корӣ    рафти кишту кори баҳорӣ, сафарбар намудани техникаи кишоварзӣ, бунёди боғу токзорҳо дар ноҳияҳои Ванҷ ва Дарвоз,   бунёди фабрикаи мурғпарварӣ дар ноҳияи Шуғнон ва корхонаи мурғпарварӣ дар ноҳияи Хоруғро   омӯхта баромада, тавсияҳои методӣ пешниҳод менамояд. Бо мақсади амалӣ намудани барномаи рушди соҳаи боғу токпарварӣ дар ноҳияҳои Дарвоз   ва Ванҷ боғу токзорҳои нав, аз ҷумла боғҳои  себ, нок, зардолу бунёд  карда мешавад. Ҳамзамон  дар таърихи вилоят аввалин маротиба бинои  идораи кишоварзӣ  аз ҳисоби маблағҳои буҷавӣ сохта ба истифода дода мешавад. Гурӯҳи корӣ   муддати як ҳафта рафти омодагиҳоро бахшида ба ҷашни истиқлолият омӯхта баромада ба раёсатҳои кишоварзӣ кӯмаки методӣ мерасонад.