САРМОЯГУЗОРӢ ДАР СОҲАИ СОХТМОН

Душанбе, 21 май. (АМИТ «Ховар», Лаззат Диловарзод).- Чунон ки аз Агентии омори назди ПрезидентиҶумҳурии Тоҷикистон ба АМИТ «Ховар» иттилоъ доданд, дар моҳҳои январ – апрели соли 2010 аз ҳисоби ҳамаи  манбаъҳои сармоягузорӣ дар соҳаи сохтмон 961 млн. 978 ҳазор сомонӣ истифода карда шудааст, ки нисбат ба ҳамин давраи соли гузашта 308 млн. 838 ҳазор зиёд аст. Бино ба  маълумоти ҳамин  манбаъ, ҳаҷми асосии азхудкунии сармоягузориҳо аз ҳисоби Дирексияи сохтмони иншоотҳои ҳукуматии Дастгоҳи иҷроияи Президенти Ҷумҳурии Тоҷикистон 50 млн. 391 млн. сомонӣ, Вазорати маорифи Ҷумҳурии Тоҷикистон- 6 млн. 381, Вазорати энергетка ва  саноати Ҷумҳурии Тоҷикистон ба андозаи 104 млн. 620 ҳазор сомонӣ аз ҳаҷми умумии сармоягузориҳои ҷумҳурӣ истифода гардидааст. Дар моҳҳои январ – апрели соли 2010 дар иншоотҳои таиноти истеҳсолӣ  ба маблағи 738 млн. 978 ҳазор сомонӣ ё ба андозаи 76,8 фоизи ҳаҷми умумии сармоягузориҳои ҷумҳурӣ иҷро гардидааст.