ШАРОИТИ ЗИСТИ АҲОЛӢ БЕҲТАР ГАРДИД

Душанбе, 11май. (АМИТ «Ховар», Лаззат Диловарзод).- Бино ба иттилои маркази матбуот ва иттилооти Вазорати кишоварзӣ, дар 15 соли охир барои беҳтар намудани шароити зисти аҳолӣ қариб 105 ҳазор гектар, аз ҷумла 46 ҳазор гектар замини обӣ тақсим карда дода шудааст. Ҳол он ки дар тамоми давраи 70 соли гузашта ҳамагӣ 77 ҳазор гектар замин , аз ҷумла 55 ҳазор гектар барои қитъахои наздиҳавлигӣ ҷудо карда шудааст. Муҳимтар аз ҳама ин аст, ки имрӯз аз ҳамин 105 ҳазор гектар, ки барои беҳтар шудани шароити зисти аҳолии деҳот дода шудааст, 60 фоизи маҳсулоти кишоварзии мамлакат истеҳсол карда мешавад. Агар 3 сол пештар нархи 1халта орди навъи якуми 50 килогӣ ба 150 сомонӣ расида буд, ҳоло аз 55 то 68 сомониро ташкил медиҳад. Ин аст, ки самаранок истифода шудани замин ба беҳтар шудани шароити зисти аҳолӣ  мусоидат кард.