СИННИ ИЗДИВОҶИ ДУХТАРОН БОЛО БУРДА МЕШАВАД

Душанбе, 17 май.(АМИТ «Ховар», Марзия Саидова).-Лоиҳаи Қонунҳои Ҷумҳурии Тоҷикистон  «Оид ба ворид намудани тағйирот  ба Қонуни Ҷумҳурии Тоҷикистон «Дар бораи рӯзҳои ид», «Дар бораи ҳифзи иҷтимоии маъюбон», «Дар бораи аудити дохилӣ дар бахши давлатӣ» «Дар бораи парки технологӣ», «Дар бораи идоракунии молиявӣ  ва назорати дохилӣ  дар бахши давлатӣ», «Дар бораи имзои электронии рақамӣ» аз масъалаҳое буданд, ки дар ҷаласаи Шӯрои палатаи поёнии парлумони мамлакат, ки 17 май таҳти раёсати Раиси Маҷлиси намояндагони Маҷлиси Олии ҷумҳурӣ Шукурҷон Зуҳуров баргузор гардид, баррасӣ шуданд. Дар ҷаласаи Шӯро инчунин, масъалаи ворид намудани тағйирот ба Кодекси оилаи Ҷумҳурии Тоҷикистон баррасӣ гардид, ки тибқи он синни издивоҷи духтарон дар Тоҷикистон як сол (аз 17 ба 18) боло бурда мешавад.