ТАШРИФИ ҲАЙАТҲОИ ДАВЛАТҲОИ ИСЛОМӢ БА ДУШАНБЕ

Душанбе, 17 май. (АМИТ «Ховар», Фарангис Раҳимова). — Имрўз, 17 майи соли 2010 аз субҳи барвақт омадани ҳайатҳо барои иштирок дар кори ҷаласаи 37-уми Шўрои вазирони корҳои хориҷии кишварҳои аъзои Созмони Конфронси Исломӣ, ки рўзҳои 18-20 май дар шаҳри Душанбе баргузор мегардад, шурўъ шуд. Тавре ба АМИТ «Ховар» аз Вазорати корои хориии кишвар хабар доданд, то соати 08:00 вақти маҳаллӣ тавассути Фурудгоҳи байналмилалии Душанбе ҳайатҳои давлатҳо — Албания, Камерун, Алҷазоир, Покистон, Миср, Малайзия, Уганда, Кот-д Ивуар, Қувайт, Амороти Муттаҳидаи Араб, Нигер, Ҷумҳурии Африкаи Ҷанубӣ, инчунин ҳайатҳои Бонки исломии рушд ва Лигаи давлатҳои араб ба Душанбе омаданд. Аъзое баъзе ҳайатҳо рўзҳои 15-16 май ба Душанбе омада буданд. «Дар назар дошта шудааст, ки имрўз мулоқотҳои дуҷонибаи Президенти Ҷумҳурии Тоҷикистон Эмомалӣ Раҳмон бо роҳбарони як қатор ҳайатҳо сурат мегиранд», гуфт  манбаъ. «Омадани ҳайатҳо барои иштирок дар кори ҷаласаи 37-уми Шўрои вазирони корҳои хориҷии кишварҳои аъзои Созмони Конфронси Исломӣ идомадорад», айд кард манбаъ.