ҲИФЗИ КӮДАКОН МУРОДИ ОНҲОСТ

Бадахшон, 4 июн. (АМИТ «Ховар», Л.Додо).-Дар шаҳри Масква аз ҷониби ҳамдиёрони мо боз як созмони хайриявие ба номи «Даргил наник» таъсис  дода шуд. Тавре садри он Меҳмоншоҳ Меҳмонов иттилоъ дод, мурод аз таъсиси ин созмон ҳимояи ҳуқуқи кӯдакон дар муҳоҷират мебошад. Оилаҳои ҷавон аз ӯҳдаи  тарбияи тифлаконашон  набаромада, онҳоро ба хонаҳои кӯдакони Русия месупоранд. Ба  гуфти Меҳмоншоев танҳо соли ҷорӣ таи 100 нафар кӯдаки  шаҳрвандони Тоҷикистон ба хонаҳои кӯдакони Русия  супорида шудааст. Созмон василае ёфта садди роҳи ин амал  гардид. Сарпарастони созмон мекӯшанд, ки ба модароне, ки бо кӯдаконашон дар муҳоҷирати меҳнатӣ ба душворӣ рӯ ба рӯ гардиданд, кӯмак расонанд, то тифлаконашонро ба хонаи кӯдакон насупоранд. Созмон  дар таҳияи Собиршоҳ Буттабеков ва Меҳмоншоҳ Меҳмонов филмеро бо номи «Маро дарёб оча» ба навор гирифтаанд.Ҷои наворгирии филм навоҳоии Бадахшон ва шаҳри Москва аст. Филм аллакай дар Донишгоҳи давлатии ба ном академик Моёншоҳ Назаршоев намоиш дода  шуд.