БОЗДОШТИ ҚОЧОҚӢ ДАР ФУРУДГОҲ

Душанбе, 11 июн. (АМИТ «Ховар», Лутфия Эшонқулова). — Кормандони гумруки Фурудгоҳи пойтахти Раёсати минтақавии гумкуки дар шаҳри Душанбе, имрӯз, 11 июн ҳангоми барасмиятдарорӣ ва назорати гумкуки хатсайри № 222, «Душанбе -Москва» шаҳрванди Ҷумҳурии Тоҷикистон Умед Лайлибекови 21 соларо бо ҷурми даст доштан дар интиқоли ғайриқонунии маводи нашъаовар гумонбар дониста, аз парвоз боздошт намуданд.   Дар рафти санҷиш кормандони гумрук аз дохили як бағоҷи дастӣ, дар қабати дохилии астари либосҳои варзишӣ 52 адад ғалтакчаҳои селофании бо хокаи монанд ба маводи мухаддири героинро дарёфт ва мусодира намуданд. Тибқи маълумотномаи коршиносон, вазни холиси маводи аз Умед Лайлибеков гирифташуда, 317 граммро ташкил дод ,ки ба маводи нашъадори героин мансуб мебошад. Нисбат ба номбурда парвандаи ҷиноӣ оғоз гардида, ба Прокуротураи нақлиётии Ҷумҳурии Тоҷикистон равона карда шуд.