ЧОПИ ШУМОРАИ 1500-УМИ НАШРИЯ

Душанбе, 26 июн. (АМИТ «Ховар», Марзия Саидова).-Дар остонаи Рӯзи ваҳдати миллӣ шумораи 1500-уми нашрияи Мақомоти иҷрояи маҳаллии ҳокимияти давлатӣ дар шаҳри Душанбе-  «Паёми Душанбе» аз чоп баромад. Дар ин шумора гузорише аз ҷараёни баргузории иҷлосияи дуюми Маҷлиси вакилони халқи шаҳри Душанбе даъвати чорум,  сухани сардабири нашрия Мухбирҷон Кенҷаев зери унвони «Зиҳӣ Паёми азиз» ва дигар мақолаю мусоҳибаҳои рӯзноманигорони нашрия бо номи  «Ману пойтахт», «Ман дигаргуниҳои бузургро дар замони Шӯравӣ дарк карда будам»,  «Дидааст аз халқи рус имдодҳои беназир» ва дигар мақолаю хабарҳо бахшида ба Рӯзи ваҳдати миллӣ гирд оварда шудаанд. Бояд зикр кард, ки рӯзномаи шаҳрии «Паёми Душанбе» беш аз 20 сол аст, ки нашр гардида, аз ҳаёти сиёсию иқтисодӣ ва иҷтимоию фарҳангии пойтахт маводҳои ҷолибро пешниҳоди хонандагон мегардонад. Рӯзнома ҳафтае ду маротиба бо забонҳои тоҷикӣ ва русӣ  дастраси муштариёнаш мегардад.