ЧОРАБИНИҲОИ ИТТИЛОРАСОНӢ БА НАШЪАМАНДОН

Душанбе, 24 июн. (АМИТ «Ховар», Лутфия Эшонқулова).-Ҷамъияти Ҳилоли Аҳмари Тоҷикистон (ҶҲАТ) ба ҳайси як созмони хайрия тӯли чанд сол  аст, ки дар манотиқи гуногуни ҷумҳурӣ, бахусус ноҳияҳои наздисарҳадӣ барномаи «Огаҳӣ аз хавфи ВИЧ-СПИД»-ро пиёда месозад, ки он ба мавзӯи нашъамандӣ алоқаи  бевосита  дорад. Тибқи маълумоти котиби иҷроияи бахши ҶҲАТ дар Бадахшон Имомалибек Қиёбеков шумораи мизоҷони доимӣ дар Шуғнон барои мубодилаи сӯзанҳои тиббӣ 75 нафарро ташкил медиҳад. Хушбахтона, аз худи ҳамин ҳисобот бармеояд, ки шояд бо сабаби гузаронидани корҳои фаҳмондадиҳӣ миёни мардум, (41 чорабинии иттилорасонӣ) вақтҳои охир нафарони нав ба ин гурӯҳ шомил нашудаанд.   Ба ин ҳисоб 74 нафар мард, ва як нафар зан рост омада аст. Умри миёнаи онон  32 солро ташкил медиҳад. Дигар маълумоте, ки ҳамгонро ба андеша намудан водор менамояд  аз ин 75 нафари ба қайд гирифташуда — 2 нафар хизматчӣ буда,  1 нафар мактабхон,  ва 72 нафар шахсони корҷӯйро дар ҷустуҷӯи кори доимӣ  бударо ташкил медиҳанд.