ДАР КАДОМ МАМЛАКАТҲО ОЗОДИИ ИНСОН МАҲДУД КАРДА МЕШАВАД

Душанбе,  7 июн. (АМИТ «Ховар»). —  Созмони ғайриҳукуматии  Қалъаи   Озодӣ   чанде  пеш  рӯйхати  мамлакатҳоеро  нашр  намуд, ки дар  онҳо  озодии  инсон  маҳдуд  карда  мешавад. Дар  рӯихат  ба  мамлакатҳое, ки   дар  онҳо  ҳуқуқи  инсон  поймол  ва  озодии  инсон  маҳдуд  сохта  мешавад,  то  7  хол   баҳо  дода шудааст.  Мамлакатҳои  зерин,  аз  ҷумла,  Бирма, Либия, Сомали, Судон, Туркманистон, Ӯзбекистон, Эритрея, Ҷумҳурии  Халқии  Демократии  Куриё  ва Гвинеяи  хати  устуво дар рӯихати  мазкур  соҳиби  7  хол гардидаанд. Ин чунин  маъно дорад, ки   дар  мамлакатҳои  зикршуда давлат  ҳаёти  шахсии  шаҳрвандонро   назорат  мекунад ва фаъолияти   созмонҳои  сиёсӣ  ва  мустақил   манъ  карда ё   маҳдуд  карда шудаанд. Мувофиқи рӯихати  мазкур ҳуқуқи  инсон дар  Белорусия, Чад, Чин, Куба, Гвинея,  Лаос, Арабистони  Саудӣ,  Сурия, Иристони  ҷанубӣ ва  Саҳрои  ғарбӣ ҳуқуқи  инсон  қисман  маҳдуд  карда шудааст.  Аҳолии  ин  мамлакатҳо  барои  озодии  сухан   имкониятҳои  маҳдуд  дошта, дар  онҳо  фаъолияти  созмонҳои  мухолиф   маҳдуд  намуда,   назорати  қатъӣ  ҷорӣ  карда шудааст.