ХУН БАРОИ НАҶОТИ ЗИНДАГӢ

Душанбе,  14 июн. (АМИТ «Ховар», Кристина  Эрлих). —  Дар   давоми  марафони  телевизионии  ҷумҳуриявӣ, ки  14  июн  ба муносибати  Рӯзи  ҷаҳонии  донорҳои  хун  гузаронида  шуд, қариб як  тонна  хун   ҷамъ  гардид.  Директори Маркази   ҷумҳуриявии  илмии  таҳқиқ ва  ҷамъоварии  хуни Вазорати  тандурустии  ҷумҳурӣ Бурҳониддин  Баҳоваддинов ба  мухбири  АМИТ «Ховар»  хабар  дод, ки  марафони телевизионӣ 13  июн  оғоз  ёфт ва  то   бегоҳии  14  июн  давом  мекунад. Дар   марафони  мазкур  қариб  2025  нафар  ширкат  варзид.   Танҳо   ба  Маркази  ҷумҳуриявии  хун  879  нафар  ташриф  оварда,  хун  супориданд. Тадбирҳои  асосии  марафон  14  июн   дар  шаҳри  Хуҷанд  баргузор  мегарданд. Марафони телевизионӣ  дар  ҳамин ҷо  ба  охир  мерасад.   Тамоми  ҷараёни  марафони телевизионӣ  барои  ҷамъоварии  хун  ба  воситаи  шабакаи  аввали   телевизиони  Тоҷикистон  намоиш  дода  мешавад.