КИШТИ КАРТОШКА НОТАМОМ МЕМОНАД

Душанбе, 9 июн. (АМИТ «Ховар», Лаззат Диловарзод).- Дар Вазорати кишоварзӣ ба мухбири АМИТ «Ховар» иттило доданд, ки тибқи нақшаи пешбинишуда, соли ҷорӣ дар ноҳияҳои картошкапарвари ҷумҳурӣ  дар масоҳати 13 ҳазору 101 гектар кишти картошкаи баҳорӣ  гузаронида мешавад. То 7 – уми июн дар тамоми ноҳияҳои картошкапарвари ҷумҳурӣ дар масоҳати 8 ҳазору 712 гектар кишти картошка гузаронида шудааст, ки   65 фоизи дурнамои кишти картошкаро ташкил медиҳад. Картошкапарварон хуб медонанд, ки бо гузаштани мавсими кишти баҳорӣ, ки он то 15- 20 – уми моҳи май давом мекунад ва ин мӯҳлати кишт низ на барои ҳамаи ноҳияҳои картошкапарвар мувофиқ аст, давом додани кишти баҳории картошка ғайр аз додани ҳисоботи беманфиат барои роҳбарони хоҷагиҳои картошкапарвар чизи дигаре беш нест.-мегӯяд Эсанбой Сарсенов, ки беш аз 40 сол дар хоҷагии «Намуна»- и ноҳияи  Ҷиргатол  агроном шуда кор мекунад.