МАҶЛИСИ ФАЪОЛОНИ ВМКБ

Хоруғ,  14 июн. (АМИТ «Ховар», Л.Додо ). —     13 июн  дар  толори  маҷлисҳои   мақомоти   иҷроияи   ҳокимияти давлатии  ВМКБ  таҳти раёсати   Сарвазири  мамлакат  Оқил  Оқилов   маҷлиси   роҳбарон  ва  кормандони   масъули  идораҳо, ташкилоту  муассисаҳо ва  шаҳру  ноҳияҳои   вилоят  баргузор  гардид.  Дар  он  натиҷаҳои  боздиди   гурӯҳи  корӣ   таҳти роҳбарии  Сарвазир  ба  ВМКБ  ҷамъбаст  карда шуданд.  Тавре  хабар  дода шуда буд,  гурӯҳи корӣ  таҳти роҳбарии  Сарвазир бо  ҷараёни  тайёрии  вилоят  ба  ҷашни  Ваҳдати  миллӣ шинос гардида, рафти   сохтмони  иншоотҳои  идонаро   аз  назар  гузаронид. Сарвазир  зимни  мулоқот  бо  фаъолони  вилоят  аз  ҷараёни омодагӣ ба  ҷашн  ва  сохтмони  иншоотҳои  идона  изҳори  қаноатмандӣ  намуд.  Қайд  карда  шуд, ки   камбудиҳои  ҷузъии  мавҷударо  дар  давоми  чанд  рӯз  ислоҳ  кардан  мумкин  аст. Ба  ақидаи  Сарвазир   ҳамаи  иншоотҳо  умуман  бо  сифати  хуб  бунёд  гардидаанд.