МЕДАЛИ ТИЛЛО ЗИЁД ШУД

 Қӯрғонтеппа, 23 июн. (АМИТ «Ховар», Юсуфбек Беков).- Муовини сардори раёсати маорифи вилояти Хатлон Нуралӣ Азизов ба мухбири АМИТ«Ховар» гуфт,ки баъди ҷамъбасти соли хониш аниқ карда шуд,ки нисбати чанд соли гузашта дар вилоят  хонандагони макотиби миёна дар озмунҳои дохилӣ ва берунӣ ширкат варзида соҳиби ҷойҳои намунавӣ шуданд. Ба иттилои  Нуралӣ Азизов хонандагони макотиби вилояти Хатлон дар 81 озмунҳои чумҳуриявӣ ва байналхалқӣ иштирок дошта, 10 медали тилло ба даст оварданд,ки нисбати чанд соли охир зиёд мебошад. Инчунин аз раёсати маорифи вилояти Хатлон хабар доданд,ки онҳо барои таълиму тарбияи дурусти хонандагон минбаъд саҳм гирифта, кӯшиш доранд,ки хонандагоне, ки бо баҳои хубу аъло мактабро хатм кардаанд, берун аз кишвар таҳсилро давом диҳанд ва аллакай довталабон ба раёсати маориф ва шӯъбаҳои маорифи шаҳру ноҳияҳо ҳуҷҷат супурда, беҳтаринҳо берун аз кишвар дар Арабистон, Руссия, Туркманистону Эрон таҳсили худро идома медиҳанд.