МУОВИНИ МУНШИИ УМУМИИ СММ БА ДУШАНБЕ ОМАД

Душанбе,  7 июн. (АМИТ «Ховар»,  Фарангис  Раҳимова). —  Муовини  Муншии  умумии Созмони  Милали  Муттаҳид  Шо  Сзукан  шаби  6  июн  ба  шаҳри  Душанбе ташриф овард. Мухбири  АМИТ «Ховар»  хабар  медиҳад, ки  меҳмон  дар   конфронси байналмилалии  намояндагони  воломақоми  мамлакатҳои  ҷаҳон  ва  созмонҳои байналхалқӣ  бахшида ба  мавзӯи   таҳлили  миёнамӯҳлату  доманадори  ҷараёни  иҷрои тадбирҳои  Даҳсолаи  байналхалқии  амалиёти  «Об  барои зиндагӣ» ширкат  меварзад. Конфронс  8 – 10  июн   дар  Душанбе  гузаронида  мешавад. Аз  Кумитаи тадорукоти  конфронс  хабар  доданд, ки айни  ҳол  қариб  100 нафар  иштирокчии  конфронс ба  Душанбе омад. Меҳмонони  боқимонда  дар  давоми  рӯзи  7  июн хоҳанд  омад. Инчунин  дар  конфронс  роҳбарону намояндагони  созмонҳои байналхалқию  минтақавӣ,  аз  ҷумла  СММ, САҲА,  СҲШ, Созмони  ҳамкории  иқтисодӣ, Созмони конфронси  исломӣ,  Кумитаи  иҷроияи  ИДМ, Ҷомеаи  иқтисодии  Евразия  ва  ғайра  иштирок  хоҳанд  кард.