МУШКИЛКУШОИ ХУД ВА ДИГАРОН

Душанбе, 30 июн. (АМИТ «Ховар», Лаззат Диловарзод).- Имрӯзҳо баробари он ки нархи сӯзишворӣ ба 4 сомонию 40 – 4 сомонию 60 дирам расидааст, чун пештара кӯчаҳоро мошинҳои сабукрав пур кардаанд. Маълум мегардад, ки боло рафтани нархи сӯзишворӣ ба ҳаракати нақлиёт таъсир расонида наметавонад, чаро?  Бо ин савол мухбири АМИТ «Ховар» дар кӯчаҳои шаҳри Душанбе назарсанҷиеро анҷом дод ва чунон ки маълум шуд, боло рафтани нархи сӯзишворӣ ба кисаи ронандагон ҳеҷ таъсир расонида наметавонад, баръакс ронандагон аз ин манфиат мебинанд. Масалан агар як моҳ пештар аз шаҳри Ваҳдат тавассути микроавтобусҳо бо 1 сомонию 50 дирам ва тавассути таксиҳо бо 2 сомонӣ вориди Душанбе шудан мумкин буд, ҳоло бо 2 сомонӣ тавассути микроавтобусҳо ва бо 3 сомонӣ бо таксӣ дар ин хатсайр аз як нуқта ба нуқтаи дигар мусофиронро интиқол медиҳанд. Ба гуфти  устоди донишкадаи такмили ихтисоси муаллимон Абдумаҷид Рафиев, ки ҳар рӯз аз шаҳри Ваҳдат барои кор ба шаҳри Душанбе омада меравад,- ин мардуманд, ки  нафақат мушкили худ, балки   мушкилосонкункасони дигарон: ронандаю савдогар, соҳибкору тоҷир, ҳатто аз корфармою муҳофизони ҳукуқҳои худ буда, онҳоро   аз вартаи муфлисшавӣ мераҳонанд.