РАФТИ КИШТИ ПАХТА

Душанбе, 8 июн. (АМИТ «Ховар», Жасмин Назарова). — Бино ба маълумоти фаврии Раёсати растанипарварии Вазорати кишоварзӣ, нақшаи кишти пахта дар ҷумҳурӣ барои соли  ҷорӣ  183 ҳазору 465 гектар мебошад. Қобили  қайд  аст, ки аз аввали мавсим то имрӯз 164 ҳазору  501 гектар замини пахта  кишт  шуда, 162 ҳазору 624 гектари он сабзидааст.  Майдонҳои аз боришоти пай дар пай зарардида ҳамагӣ 7 ҳазору 355 гектар буда, майдонҳои дубора кишт шуда 7 ҳазору 145 гектар мебошад. Нақшаи кишти заминҳои пахта дар вилояти Хатлон 121 ҳазору 700 гектар  буда, аз аввали мавсим то  имрӯз 101 ҳазору 259 гектар,  дар вилояти Суғд низ нақша 55 ҳазор гектар, аз аввали  мавсим  55 ҳазору 539 гектар иҷро  шудааст. Ноҳияҳои тобеи марказ низ нақшаи кишти пахта 6 ҳазору 765 гектар буда, аз аввали мавсим 7 ҳазору 703 гектар иҷро гардидааст. Лозим ба ёдоварист, ки чорабиниҳои агротехникии хоҷагиҳои пахтакори  ҷумҳурӣ низ, то  имрӯз дар майдони 140 ҳазору 609 гектар ягонакунӣ, 205 ҳазору 812 гектар коркарди байни қаторҳо, 66 ҳазору 811 гектар озуқадиҳӣ ва  80 ҳазору 766 гектар оби сабзиш  гузаронида  шудааст.