РАИС ДАР ГАПАШ ИСТОД

Душанбе, 18 июн. (АМИТ «Ховар», Лаззат Диловарзод).-  Соли ҷорӣ ду нафар хатмкунандаи мактабҳои миёнаи таҳсилоти умумии ноҳияи Данғара барои соҳиби  медали тилло гардиданашон  аз ҷониби  раиси ноҳия ба ҳар яки он  се ҳазор сомонӣ дода шуд. Боиси ёдоварист, ки соли гузашта як нафар хатмкунандаи мактаби таҳсилоти умумии ноҳия, ки бо  медали тилло сарфароз гардида буд, мукофоти раиси ноҳияро дар ҳаҷми 1000 сомонӣ ба даст овард. Дар ҷамъбасти соли таҳсил раис ваъда дода буд, ки хонандагони  бо медали тилло хатмкардаро дар соли 2010 бо се ҳазор сомонӣ қадрдонӣ хоҳад кард.  Чунин ҳавасмандкунӣ боиси он хоҳад шуд, ки дар оянда шогирду устод барои азхуд кардани барномаҳои таълимӣ бештар мутаваҷҷеҳ хоҳанд шуд. Хуб мешуд, ки чунин ҳавасмандкунӣ аз ҷониби дигар раисони ноҳияҳо дар соли  маориф ва фарҳанги техникӣ дастгирӣ меёфт.