ТАҶЛИЛИ РӮЗИ БАЙНАЛМИЛАЛИИ ОЛИМПӢ

Душанбе,  17 июн. (АМИТ «Ховар», Пайрав  Назаров). —   23  июн  дар  Тоҷикистон  мисли тамоми   мамлакатҳои  ҷаҳон Рӯзи  байналмилалии  олимпӣ  таҷлил  карда  мешавад. Кумитаи  миллии  олимпии  Тоҷикистон   ба  ин  муносибат  нақшаи  тадбирҳоро  тасдиқ  намуд. Аз  ҷумла,  23  июн  дар  варзишгоҳи  «Спартак» —  и  шаҳри  Душанбе  дар  масофаҳои  гуногун  пойга ташкил  карда  хоҳад  шуд. Кумитаи байналмилалии  олимпӣ  ба  кумитаҳои  миллии олимпӣ  тавсия  дод, ки  23  июн  ба  муносибати  Рӯзи  байналмилалии  олимпӣ  мусобиқаҳои  гуногуни  варзишӣ баргузор  созанд. Ҳадафи онҳо  ҷалби бештари   одамон  ба  иштирок  дар  мусобиқаҳои  варзишӣ  мебошад. Рӯзи байналмилалии  олимпӣ  бо  қарори   маҷлиси  42 – юми  Кумитаи байналмилалии  олимпӣ  дар  соли  1948  ҷашн  гирифта  мешавад, ки дар  Санкт – Моритца баргузор  гардида буд.  23  июн  рӯзи  ташкили Кумитаи  байналмилалии  олимпӣ  мебошад. Кумитаи  мазкур  23  июни  соли 1894  бо  ташаббуси барон Пер де Кубертен   дар  Париж  ташкил  ёфта  буд.  Ӯ  баъди  ин  раиси  Кумитаи  байналмилалии  олимпӣ  интихоб  карда шуд.