ТОБИСТОН -АЙЁМИ ФАРОҒАТ

Турсунзода, 24 июн. (АМИТ «Ховар», Ҳотам Рабиев).-Осоишгоҳи «Ширкент»-и Корхонаи воҳиди давлатии «Ширкати алюминийи Тоҷик» ҳамасола зиёда аз ҳазор нафар фарзандони коргарони ин корхонаи азимро қабул ва айёми таътили онҳоро басо хубу гуворо таъмин менамояд. Осоишгоҳи мазкур, ки дорои панҷ бинои замонавӣ буда, дар он тамоми шароитҳои зарурӣ  муҳайё аст, имсол дар басти аввал  зиёда аз 170 нафар наврасони хатлониро, ки бинобар офати табиӣ дар минтақаи Кӯлоб  ба ин ҷо омада буданд,бо оғӯши боз қабул кард.            Наврасон дар ин ҷо бо хӯроки гарм, киною консерт, китобхонаву бозиҳои варзишӣ таъмин буданд ва мураббиҳои варзида ба онҳо сарварӣ менамуданд