ВОҲИДҲОИ НИЗОМИИ РУСИЯ ДАР ҚИРҒИЗИСТОН
Бишкек, 14 июн. (АМИТ «Ховар»). — Ҳукумати муваққатии Қирғизистон дар бораи қисман сафарбар намудани хизматчиёни ҳарбӣ фармон баровард. Вазорати мудофиа хизматчиёнии ҳарбии то 50 — соларо даъват намуд, ки ба комиссариатҳои ҳарбии маҳалли зисташон ҳозир шаванд. Сафорати Русия дар Қирғизистон муроҷиатномаи расмӣ интишор дода, аҳолиро даъват намуд, ки орому осуда буда, ба ҳар гуна иғвогарӣ фирефта нашавад. Тавре хабар дода шуда буд, мақомоти Қирғизистон чанд рӯз пеш дар шаҳрҳои Ӯш, Ҷалолобод ва вилояти Ҷалолобод вазъияти фавқулодда ва қуюди шабгардӣ ҷорӣ карда буданд. Ба шаҳри Ӯш ва вилояти Ҷалолобод қисмҳои иловагии ҳарбии вазоратҳои мудофиа, корҳои дохилӣ, артиши дохилӣ ва дастаҳои ихтиёриён фиристода мешаванд. Ҳукуматдорон ба қисмҳои ҳарбии ба маҳалли муноқиша фиристодашуда аслиҳа хоҳанд дод. Ҳукумат ба хизматчиёни ҳарбӣ, кормандони милиса ва ихтиёриён расман иҷозат дод, ки барои ҷорӣ кардани тартибот аз аслиҳаи ҷангӣ истифода баранд. Тибқи супориши Президенти Русия 13 июн баталёни алоҳидаи десантию зарбазани артиши дохилаи мамлакат ба Қирғизистон фиристода шуд. Инчунин ду ротаи тақвиятдодашудаи бригадаи алоҳидаи десантӣ аз Уляновск ба Қирғизистон омад. Президенти Русия Д.Медведев 13 июн бо роҳбари ҳукумати муваққатии Қирғизистон Роза Отунбоева телефонӣ сӯҳбат кард. Д.Медведев таъкид кард, ки тартиботи ҷамъиятиро ҳар чи зудтар барқарор намуда, муноқишаи мусаллаҳонаро ҳар чи тезтар қатъ намудан лозим аст. Зеро онҳо сабаби қурбон гардидани одамон ва муташанниҷ гардидани вазъи гуманитарӣ хоҳанд гашт. Р.Отунбоева дирӯз фармон имзо кард, ки мувофиқи он кормандони мақомоти қудратӣ дар минтақаи мухолифат барои иҷро накардани фармони комендант аз вазифа барканор карда мешаванд. Аз рӯи маълумоти охирин дар давоми ду шабонарӯзи охир дар вилояти Ҷалолобод ва шаҳри Ӯш бар асари бетартибиҳои оммавӣ 113 нафар ҳалок ва 1405 нафар маҷрӯҳ шудааст.
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
