Ҳ. ЗАРИФӢ: «ТОҶИКИСТОН БА ИСТЕҲСОЛИ ЯРОҚИ ҲАСТАӢ МУҚОБИЛ АСТ
Душанбе, 30 июл. (НИАТ «Ховар», Фарангис Раҳимова). – «Тоҷикистон муқобили истеҳсоли аслиҳаи атомӣ дар минтақаи Осиёи Марказӣ ва саросари ҷаҳон мебошад»-гуфт вазири корҳои хориҷии Тоҷикистон Ҳ. Зарифӣ зимни нишасти матбуотӣ ба хабарнигорон. «Мавқеи Тоҷикистонро дар ин масъала Президенти ҷумҳурӣ дар Эрон аниқ баён карда буд. Мо ба истеҳсоли аслдиҳаи ядроӣ дар тамоми мамлакатҳои ҷаҳон аз ҷумла, Эрон муқобил мебошем, вале дар баробари ин ҳуқуқи Эронро ба истифодаи энергияи атом бо мақсадҳои осоишта пуштибонӣ мекунем, афзуд вазир». Вазир ҳамчунин дар бораи муносибатҳои Тоҷикистону Эрон сухан ронда, зикр намуд, ки муносибатҳои ҳар ду кишвар сол то сол бештар аз пештар густариш меёбанд. Халқҳои мо забону фарҳанг ва дини муштарак доранд ва муносибатҳои кишварҳоямон мувофиқи принсипҳои муқарарнамудаи СММ ба роҳ монда мешавад. «Кишвари Эрон дар амалӣ сохтани бисёр барномаҳои иқтисодии Тоҷикистон саҳм мегузорад, аз ҷумла нерӯгоҳи барқи обии «Сангтӯда-2» бо маблағи Эрон сохта мешавад. Мо умеди қавӣ дорем, ки нерӯгоҳи мазкур ва нақби «Истиқлол» то охири соли оянда пурра ба истифода дода хоҳанд шуд»-гуфт дар хотима Ҳ. Зарифӣ.
29 июл дар якчанд вазорату идораҳо нишасти матбуотӣ баргузор мегардад
Давоми шаш моҳ аз ноҳияи Фирдавсӣ қариб 1700 нафар аъзои Ҳизби Халқии Демократии Тоҷикистон гардид
Имрӯз дар Тоҷикистон ҳарорати ҳаво ба 34 дараҷа мерасад
Намояндагони Федератсияи футболи Тоҷикистон дар конфронси тиббии КФО иштирок намуданд
Имрӯз дар Тоҷикистон хавфи сар задани селҳои пиряхӣ боқӣ мемонад
Дар шаҳри Бохтар аз ҷониби Ҳизби Халқии Демократии Тоҷикистон 933 чорабинӣ доир карда шуд
Дар Тоҷикистон беш аз 45 миллион адад дору ва молҳои тиббӣ истеҳсол гардидаанд
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Дар Тоҷикистон дар беш аз 526 ҳазор метри мураббаъ хонаҳои истиқоматӣ ба истифода дода шудаанд
