&#1206ОМИ ПРЕЗИДЕНТИ КФО: »ВАХШ» ДАР &#1178УВВАОЗМОӢ БО СО&#1202ИБОНИ МАЙДОН БАРОБАР МЕШАВАД

Душанбе 12 июл (АМИТ »Ховар», Пайрав Назаров).Чемпиони амалкунандаи Тоҷикистон дар риштаи футбол дастаи «Вахш» дар бозии  шашуми Ҷоми президенти Конфедератсияи футболи Осиё (КФО) бо соҳибони майдон дастаи «Яданарбон»-и Мянма қувва меозмоянд. Иштирокчии ягона дар шаш бозии Ҷоми КФО чемпиони Қирғизистон тими «Дордой» дар нимфинал 2010 бо тими МТТУ аз Туркманистон бозӣ мекунад. Чунин  аст ҷамъбасти қуръапартоии даври ҳалкунандаи Ҷоми президенти КФО , ки  рӯзи  якшанбе баргузор гардид.Хотиррасон менамоем , ки  бозии сеюми мусобиқаи қоравии клубҳо аз 24  то 26 сентябр дар Мянма баргузор мегардад. Бозиҳои нимфиналӣ ва финал дар Маркази  солимгардонии ҷавонони Янгон мегузарад. Рӯзи ҷумъа, 24 сентябр аввалин шуда дастаҳои «Вахш» ва «Яданарбон» ба майдон  мебароянд. Бегохии ҳамон рӯз баъдан барои ба финал баромадан тимҳои «Дордой» ва МТТУ қувва меозмоянд. Пас  аз ду  рӯз финал баргузор мегардад .  Қуръапартоӣ  аз ҷониби  семинари  кории футболи  касбӣ  гузаронида шудааст. Маърӯзачиени он директори мусобиқаҳои  КФО  Токуаки Сузуки ва менеҷери рушди  КФО  Мақсат Қличмамедов буданд.