49 ФОИЗИ МАЙДОНИ ГАНДУМЗОР ДАРАВИДА ШУД

Душанбе, 19 июл. (АМИТ «Ховар», Лаззат Диловарзод).- Тибқи  маълумоти фаврии Раёсати растанипарварии Вазорати кишоварзӣ, соли ҷорӣ дар ҷумҳурӣ дар масоҳати 247 ҳазору 211 гектар кишти гандум гузаронида шуда  то имрӯз  майдони 122 ҳазору 198 гектари он даравида шудааст. Аз майдони даравидашуда 103 ҳазору 189 гектараш кӯфта шудааст, ки нисбат ба ҳамин давраи соли гузашта 3 ҳазору 30 гектар камтар аст. Бино ба маълумоти ҳамин манбаъ, ҳосили ғаллаи кӯфташуда 281 ҳазору 817 тоннаро ташкил медиҳад, ки он аз нишондоди ҳамин давраи соли гузашта 21 ҳазору 8 тонна камтар аст. Ҳосилнокии заминҳои кӯфташуда 27,3 сентнериро аз ҳар гектар ташкил медиҳад.