АФКОРИ ФАЛСАФИИ ОЛИМИ ТОҶИК

Душанбе,29 июл.(АМИТ «Ховар», Лутфия Эшонқулова). Дар  шумораи  навбатии  маҷаллаи  «Фалсафа  ва маданият»-и Пажӯҳишгоҳи фалсафаи Академияи Русия  мақолаи корманди  Хизматнишондодаи  Тоҷикистон,  доктори  илмҳои фалсафа  Искандар Абдуллоев   таҳти  унвони  « Гомеостази   универсалӣ.  Тасвири нави  физикии  ҷаҳон?  Ҳарза  будани масъалаи  асосии фалсафа»  ба чоп расид. Тавре ба мухбири  АМИТ «Ховар» муаллиф  И. Абдуллоев гуфт: «Мақолаи мазкур ифодакунандаи ғояи  материализми  нав, ки ба  тасвири  ҳаққонии ҷаҳон  тағйироти нав медарорад, мебошад.  Дар мақола  мафҳумҳои  нав чун баробарии динамикӣ , ки   барои ҳама  чиз ва тамоми  ҳаракат хос аст, оварда шудаанд.» Ёдовар мешавем,ки И.Абдуллоев тадқиқотчии масъалаҳои  бунёдии  фалсафӣ ба  ҳисоб меравад. Якчанд мақолаҳои   фалсафии  муаллифи мазкур  дар нашриёти  мухталифи Русия, аз  ҷумла дар  куллиёти  Донишгоҳи  Давлатии  Маскав  ба номи  Ломаносов  нашр гаштаанд.