БАЧАҲОИ БОЛАЁҚАТ БА ЛОНДОН МЕРАВАНД

Душанбе, 6 июл.(АМИТ «Ховар», Марзия Саидова).-Бори нахуст 12 нафар хонандагони гимназияи шаҳрӣ, ки барои бачаҳои болаёқат махсус гардонида шудааст,  ба пойтахти Британияи Кабир –шаҳри Лондон сафар менамоянд. Онҳо муддати ду ҳафта дар яке аз гимназияҳои назди Донишгоҳи Кембриҷи  Британияи Кабир ба омӯзиш ва истироҳат фаро гирифта мешаванд. Сардори Раёсати маорифи шаҳри Душанбе Шамсулло  Исломов иттилоъ дод, ки ҳадаф аз фиристонидани бачаҳои болаёқати пойтахт ба гимназияи Донишгоҳи Кембриҷ баланд бардоштани  савияи дониши бачаҳо  ва омӯзиши забони англисӣ мебошад.                Шамсулло Исломов афзуд, ки дар оянда бачаҳои болаёқати гимназия имкон доранд, ба Донишгоҳи Кембриҷ дохил шуда, таҳсилро идома диҳанд.