БАРНОМАИ МАХСУСИ КОМПЮТЕРӢ ДАР СОҲАИ ТАНДУРУСТӢ

Душанбе, 21 июл. (АМИТ «Ховар», Ибодат Давлатова). – Тибқи иттилои раёсати тандурустии вилояти Суғд  19   июли соли ҷорӣ  семинари вилоятӣ оид ба тадбиқи амалии барномаҳои махсуси компютерии тиббӣ барои роҳбарони муассисаҳои тиббӣ ва мутахассисони соҳаи омори тиббӣ оғоз гардид ва ин чорабинӣ то санаи 25 июл идома меёбад. Зикр бояд кард, ки дар соҳаи тандурустии вилоят алҳол якчанд барномаҳои махсуси компютерӣ, ба мисли «Беморхона»,   «Омори тиббӣ» ва «Муҳосибот» мавриди тадбиқ қарор гирифтаанд. Дар ояндаи наздик омўзиши мутахассисони муассисаҳои тиббии ҳамаи шаҳру ноҳияҳои вилоят ва тадбиқи пурраи ин барномаҳо дар муассисаҳои тиббии вилоят ба нақша гирифта шудааст. Дар ин бора ба мухбири АМИТ «Ховар» аз Хадамоти матбуотии Раиси вилояти Суғд иттилоъ доданд.