ЧАРЛЗ МУР М. УБАЙДУЛЛОЕВРО БА ЛОНДОН ДАЪВАТ КАРД
Душанбе, 30 июл.(АМИТ «Ховар», Марзия Саидова).-Масъалаҳои таҳкими ҳамкории парлумонии Ҷумҳурии Тоҷикистон бо Британияи Кабир зимни мулоқоти Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев бо сафири фавқулодда ва мухтори Британияи Кабир дар Ҷумҳурии Тоҷикистон Тревор Чарлз Мур дар Душанбе баррасӣ гардиданд. Тибқи иттилои ёвари Раиси Маҷлиси миллии Маҷлиси Олии Ҷумҳурии Тоҷикистон Шавкат Саидов, нахустин ҳайати парлумонии Британияи Кабир ва Ирландияи Шимолӣ таҳти роҳбарии лорд Вейверли 16 ноябри соли 2009 аз Ҷумҳурии Тоҷикистон боздид намуд ва Меморандуми гурӯҳи дӯстии парлумониро байни ду кишвар ба имзо расонид. Дар мулоқот дипломати бритонӣ даъватномаи парлумони Британияро ба раҳбарияти палатаи болоии парлумони Тоҷикистон супорид, ки тибқи он моҳи ноябри соли равон ҳайати намояндагони Маҷлиси миллии Маҷлиси Олии Ҷумҳурии Тоҷикистон таҳти роҳбарии Раиси он Маҳмадсаид Убайдуллоев ба Лондон сафар хоҳанд кард ва бо фаъолияти парлумони ин кишвар ошно хоҳанд шуд. Дар мулоқот ҳамчунин ҷонибҳо масъалаҳои дигари мавриди таваҷҷӯҳи тарафайн, хусусан тавсеаи равобити ҳамкориҳои иқтисодӣ байни Ҷумҳурии Тоҷикистон ва Британияи Кабирро баррасӣ карданд.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
