ДАР НОҲИЯИ И. СОМОНИИ ПОЙТАХТ ДАЛЕЛИ АВБОШӢ БА ҚАЙД ГИРИФТА ШУД
Душанбе, 8 июл. (АМИТ «Ховар», Жасмин Назарова). — Дар шӯъбаи корҳои дохилии ноҳияи И. Сомонии пойтахт як далели авбошӣ ба қайд гирифта шуд. Тибқи маълумоти Вазорати корҳои дохилии ҶТ, рӯзи 7 июли соли ҷорӣ аризаи шаҳрванд Содиқов Ҷамил, соли таваллудаш 1984, истиқоматкунандаи шаҳри Душанбе, ворид гардид. Дар он гуфта шудааст, ки 6 июли соли равон шахсони номаълум дар кӯчаи Сари-Осиё, ӯро лату кӯб намуда, бо корд ду маротиба ба пои росташ зада, аз ҷойи ҳодиса ғайб заданд. Ҳангоми гузаронидани чораҳои фаврӣ-ҷустуҷӯӣ шаҳрвандон Ҳасанов Фарҳод, соли таваллудаш 1990, истиқоматкунандаи кӯчаи Энергетик ва Давлатов Аҳмад, соли таваллудаш 1989, истиқоматкунандаи кӯчаи Рӯдакӣ дастгир шуданд. Нисбати ин шахсон парвандаи ҷиноӣ оғоз шуда, тафтиш идома дорад.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
