ДАР ШӮРООБОД ТАЪМИРИ МАКТАБҲО ОҒОЗ ГАРДИДАНД

Шӯрообод. 20 июл. (АМИТ “Ховар”, Сулаймон Холов). — Дар  ноҳияи  Шӯрообод   бо   маблағгузории буҷаи маҳалӣ ва саҳмгузории падару модарон таъмири мактабҳо оғоз гардид. Сардори раёсати молияи ноҳия Қурбон  Марҷонов дар  бастагӣ  ба ин  мавзӯъ гуфт, ки мувофиқи нақшаи тасдиқгардида то фарорасии соли хониши нав дар ноҳия 52 мактаби таҳсилоти умумӣ ва як мактаб — интернати  бепарасторон аз таъмир бароварда  шуда, бо лавозимотҳои хониш таъмин  мегарданд. Ба гуфтаи  ин  манбаъ  дар  шаш  моҳи  соли ҷорӣ  барои  таъмири  мактабҳои  таҳсилоти  умумӣ беш  аз  100 ҳазор сомонӣ аз ҳисоби  буҷаи  маҳалӣ ва 19 ҳазор сомонӣ аз тарафи кумитаи падару модарон ҷудо гардид, ки ин  маблағ барои таъмири мактабҳо ва хариди таҷҳизотҳои  лозимаи  хониш  равона     гардид.