ДАР ШАШ МОҲ 17 ҲАЗОРУ 262 ПАРВАНДА

Душанбе, 27 июл.(АМИТ «Ховар», Лаззат Диловарзод).- Бино ба иттилои раиси Шӯрои адлия Зафар Азизов, дар давоми шаш моҳи сипаришуда ба истеҳсолоти судии судяҳои шаҳру навоҳии ҷумҳурӣ 17 ҳазору 255 адад парвандаи гражданӣ ворид гардидааст, ки нисбат ба ҳамин  давраи соли гузашта   3 ҳазор зиёд аст. Аз шумораи умумии парвандаҳои воридшуда 13 ҳазору 14 адад парвандаи гражданӣ мавриди баррасӣ қарор гирифт.  Нисбат ба 8 ҳазору 979 адад парванда  ҳалнома бароварда шуда, 1129 адад парванда бе баррасӣ монда шудааст. Дар ин муддат ба истеҳсолоти судҳо ҳамчунин 4 ҳазору 31 адад парвандаҳои ҷиноятӣ ворид шудааст, ки нисбат ба ҳамин давраи соли 2009 679 адад камтар аст. Аз шумораи умумии парвандаҳои воридшуда 3259 адади он моҳиятан  баррасӣ гардида, нисбат ба 2684 нафар ҷинояткор ҳукми судӣ бароварда шудааст.