ДАСТГИР ШУДАНИ ЯК ҶИНОЯТКОРИ КОРРУПСИОНӢ ДАР ХАТЛОН
Душанбе, 10 июл. (АМИТ «Ховар», Лаззат Диловарзод).- Тибқи иттилои сардори шӯъбаи парвандаҳои коррупсионии Раёсати Агентии давлатии молиявии вилояти Хатлон Ҳикматулло Исматов, аз тарафи кормандони раёсати мазкур сармеханики муассисаи давлатии нигоҳдории роҳҳои автомобилгарди ноҳияи Қумсангир С.Р бо ҷинояти сӯистифода аз мансаб ва азонихуднамудани маблағи калони давлатӣ дастгир намуданд. Зимни санҷиши молиявии фаъолияти муассисаи давлатии нигоҳдории роҳҳои автомобилгарди ноҳияи Қумсангир муайян карда шуд, ки номбурда дар давраи фаъолияти кориаш аз моҳи майи соли 2009 то 1- уми июни соли ҷорӣ бо роҳи тартиб додани ҳуҷҷатҳои қалбакӣ 122 ҳазору 795 сомониро, ки аз буҷаи ҷумҳуриявӣ ва аз буҷети маҳаллӣ барои таъмири роҳҳои автомобилгарди ноҳияи Қумсангир ҷудо карда шудааст аз они худ намуда, барои эҳтиёҷоти шахсиаш сарф кардааст. Бино ба иттилои ҳамин манбаъ, нисбати дастгиршуда аз тарафи Раёсати Агентии НДМ вилояти Хатлон аз рӯи аломатҳои моддаи 245 қ2 банди «б» (азонихудкунӣ ё исрофкорӣ) –и КҶҶТ парвандаи ҷиноятӣ оғоз карда, тафтишот бурда мешавад.
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
