«КОМРОН»-БЕҲТАРИН КОРХОНА

Ноҳияи Бобоҷон Ғафуров , 20 июл. ( АМИТ « Ховар», Санавбар Мақсудова).- Дар нимсолаи аввали соли  2010 аз 28  корхонаи амалкунандаи саноатии ноҳияи  Бобоҷон Ғафуров  17 корхона  ҳаҷми истеҳсоли  маҳсулотро аз 101 то 312  фоиз таъмин  намуданд. Ҷаъмияти   масъулияташ   маҳдуди  Алфа-Пет»,  Ҷамъияти cаҳҳомии пӯшидаи « Умар» , Ҷамъияти саҳҳомии «Сомғор»,  Ҷамъияти  саҳҳомии кушодаи  « Комрон»  аз ҷумлаи  корхонаҳои  саноатии  пешқадаманд. Дар ин бора ба мухбири АМИТ « Ховар» раиси ин ноҳия  Лутфулло Муҳиддинов  хабар дод. Тавре  Лутфулло Муҳиддинов зикр намуд, аз  ҷониби саноатчиёни  ноҳия дар давраи  ҳисоботӣ ба маблағи  умумии 30,3  миллион сомонӣ  маҳсулот истеҳсол шудааст , ки ин 107,5-ро  ташкил медиҳад. Дар давраи ҳисоботӣ  сохтмончиёни ноҳия низ  хуб меҳнат намуданд .  Дар шаш моҳи соли ҷорӣ  аз ҷониби    онҳо  ба маблағи қариб  ду миллион сомонӣ  корҳои пудратӣ  анҷом дода шуданд.   Дар натиҷаи ташкили  корҳои самарабахш дар  соҳаҳои  мухталифи хоҷагии  халқ дар  нимсолаи аввали  соли 2010 ба буҷаи   ноҳия 30,2  миллион сомонӣ  маблағ ворид гаштааст, ки  аз нақшаи  пешбинишуда  3,4 миллион  зиёд аст.