МАҶЛИСИ КОМИССИЯИ МИНТАҚАВИИ ТАБОБАТИ БЕМОРӢ
Душанбе, 2 июл. (АМИТ «Ховар», Покиза Маҳмадбекова). — Дар Копенгаген машварати 23 – юми комиссияи минтақавии табобат ва барҳам додани бемории вазнини фалаҷи ҳароммағз баргузор гардид. Маҷлис бо ташаббуси шӯъбаи минтақавии Созмони ҷаҳонии тандурустӣ дар Аврупо гузаронида шуд. Аъзои комиссия вазъи паҳн гардидани бемориро дар минтақа мавриди таҳлил қарор дода, тадбирҳоеро муҳокима намуданд, ки ҳоло дар Тоҷикистон барои пешгирии паҳн гардидани беморӣ амалӣ карда мешаванд. Қайд карда шуд, ки 15 сол пеш дар минтақаи Аврупо воқеаи охирини ба бемории фалаҷи ҳароммағз гирифтор шудани одамон ба қайд гирифта шуд. Айни ҳол хавфи дар минтақа паҳн гардидани беморӣ аз нав ба миён омадааст. Директори шӯъбаи Созмони ҷаҳонии тандурустӣ дар Аврупо Жужанна Ёқуб зикр кард, ки назорати вазъияти паҳн гардидани бемориҳо ва додани дору ба бачагон роҳи ягонаи пешгирии паҳн гардидани беморӣ мебошад. Тибқи хабари Созмони ҷаҳонии тандурустӣ сабаби дар Тоҷикистон паҳн гардидани бемории фалаҷи ҳароммағз аз хориҷа ворид сохтани он ба ин мамлакат мебошад. То 28 июн дар Тоҷикистон 334 бемори гирифтори фалаҷи ҳароммағзи аз хориҷа воридшуда ба қайд гирифта шуд. Аз ин ҷумла 15 нафар вафот кард.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
