МАРГИ ВЕЛОСИПЕДРОНИ НОБОЛИҒ

Душанбе, 13 июл. (АМИТ «Ховар», Жасмин Назарова). – Санаи 12 июли соли ҷорӣ ронандаи автомашинаи тамғаи «Опел-Астра» —  шаҳрванд Бобоев Фирдавс, соли таваллудаш  1990, истиқоматкунандаи ҷамоати Д. Холматови вилояти Суғд, ҳангоми ҳаракат бо роҳи мошингарди Сомгор-Хуҷанд қоидаи бехатарии роҳро риоя накарда, велосипедрони ноболиғ Қосимов Фаррухҷон, соли таваллудаш 1996, истиқоматкунандаи ҷамоати Х. Усмони вилояти Суғд, хонандаи синфи 7 — ро зада аз пой меафтонад. Тавре аз дафтари матбуоти Вазорати корҳои дохилии ҶТ иттилоъ доданд, дар натиҷа ноболиғ Қосимов Ф. аз гирифтани ҷароҳати сахти ҷисмонӣ дар беморхонаи марказии вилояти Суғд ба ҳалокат меравад.