МУЛОҚОТИ Э. РАҲМОН БО ИСФАНДИЁР РАҲИМИ МАШШОИ
12 июли соли 2010 Президенти Ҷумҳурии Тоҷикистон Эмомалӣ Раҳмон Роҳбари дастгоҳи Президенти Ҷумҳурии Исломии Эрон Исфандиёр Раҳими Машшоиро ба ҳузур пазируфт. Дар мулоқот масоили кунунӣ ва дурнамои рушди муносибатҳои ду кишвари дўсту ҳамзабон баррасӣ шуд. Пайгирии иҷрои саривақтии аҳду паймонҳои муҳими ҳамкорӣ дар соҳаҳои энергетика, инфрасохтори нақлиётӣ, ҳамлу нақли транзитӣ ва саноат аз мавзўъҳои асосии сўҳбат буд. Аз рафти сохтмони нерўгоҳи обии «Сангтуда-2» ва вусъат ёфтани татбиқи дигар тадбирҳои ҳамкории бунёдии иқтисодии Тоҷикистону Эрон изҳори қаноатмандӣ карда шуд. Масоили таҳкиму густариши ҳамкории ҳарбӣ-техникӣ ва илмию фарҳангии ду кишвар низ дар маркази таваҷҷўҳи мусоҳибон қарор дошт. Дар мулоқот ҳамчунин оид ба масоили минтақавию ҷаҳонӣ ва рушди ҳамкории сеҷонибаи Тоҷикистону Эрон ва Афғонистон гуфтугўйи судманд сурат гирифт. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
30 январ дар якчанд вазорату идораҳо нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
Имрӯз дар Тоҷикистон бориши борон ва барф дар назар аст
Имрӯз дар Тоҷикистон ҳавои тағйирёбанда пешгӯӣ мешавад
