МУЛОҚОТИ О. ОҚИЛОВ БО И. МАШШОӢ

Душанбе, 13 июл. (АМИТ «Ховар», Дилшодаи Ҷонмард).-Дар мулоқоти Сарвазири мамлакат Оқил Оқилов бо  Роҳбари дастгоҳи Президенти  Ҷумҳурии Исломии Эрон Исфандиёр Раҳими Машшоӣ масоили рушду тавсеаи бештару судманди муносибатҳои дуҷонибаи Тоҷикистон ва Эрон мавриди баррасӣ қарор дода шуд. Оқил Оқилов аз раванди ҳамкориҳои ду давлати ҳамзабон изҳори қаноатмандӣ карда таъкид дошт , ки то ба имрӯз байни ду давлат беш аз 100 ҳуҷҷати дахлдор ба имзо расида  ҳамкориҳо дар бахшҳои энергетика, саноат, кишоварзӣ, маориф ва фарҳангро дар бар мегирад. Исфандиёр Раҳими Машшоӣ омодагию ҳавасмандии ҷониби Эронро дар мавриди  таҳким бахшидани муносибатҳои байнидавлатӣ бо фарогирии бештари соҳаҳои дигар таъкид кард. Зимни мулоқот   инчунин  масъалаҳои дигари мавриди тавваҷҷӯҳи  ҷонибҳо   баррасӣ шуд.