МУЛОҚОТИ О. ОҚИЛОВ БО ВАЗИРИ ДАВЛАТИИ ПОКИСТОН
Душанбе, 20 июл. (АМИТ «Ховар», Дилшода Ҷонмардова). — 19-июли соли равон Сарвазири мамлакат Оқил Оқилов бо Вазири давлатӣ — раиси Кумитаи сармоягузории Ҷумҳурии Исломии Покистон Салим Мандвивалла мулоқот кард. Дар мулоқот масоили таҳкиму тақвияти муносибатҳои ду давлат дар соҳаҳои иқтисоду тиҷорат, саноати нассоҷҷӣ, дорусозӣ, илм ва туризм мавриди баррасӣ қарор дода шуд. Оқил Оқилов аз болоравии сатҳи ҳамкориҳои Тоҷикистону Покистон изҳори қаноатмандӣ карда таъкид дошт, ки муомилоти савдо дар байни ду давлат дар панҷ моҳи аввали соли равон нисбат ба панҷмоҳаи аввали соли 2009 ду маротиба афзоиш ёфта аз Покистон ба Тоҷикистон асосан маводи хӯрока ва масолеҳи сохтмонӣ ворид гардидааст. Салим Мандвивалла таъкид кард, ки Покистон нақша дорад бо Тоҷикистон доираи ҳамгироиҳоро боз ҳам васеътар гардонида минбаъд ҳамкориҳоро дар соҳаҳои истеҳсоли масолеҳи сохтмонӣ, сохтмони роҳи оҳану мошингард ва хатҳои интиқоли барқ, бунёди корхонаҳои муштараки истеҳсолӣ ва инфрасохтори туризм, кашфи конҳои нефту газ ва истихроҷи онҳо тақвият бахшад. Дар мулоқот ҷанбаҳои дигари масъалаҳои марбут ба ҳамкориҳои гуногунсоҳаи ҳар ду давлат мавриди баррасӣ қарор дода шуданд.
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
