МУТАХАССИСОНИ АВИАТСИОНӢ БОЗОМӮЗӢ МЕКУНАНД.
Душанбе, 14 июл (АМИТ «Ховар», Мавзуна Бойева). -Барои омода намудани мутахассисони техникии соҳаи авиатсияи гражданӣ Корхонаи воҳиди давлатии "Фурудгоҳи байналмилалии Душанбе" аҳамияти ҷиддӣ медиҳад. Ҳамасола барои бозомӯзӣ ва баланд бардоштани дараҷаи тахассусии кормандон фурудгоҳ мутахассисонро ба марказҳои омӯзишии шаҳрҳои Федератсияи Руссия, Қазоқистон ва хориҷи дур равон менамояд. Тавре ба мухбири АМИТ «Ховар» котиби маркази матбуоти "Фурудгоҳи байналмилалии Душанбе" Махмадюсуф Шодиев иттилоъ дод, бо иваз шудани намудҳои ҳавопаймоҳо ҳайати техникӣ низ бояд вобаста ба он тахасуси касбии худро баланд бардорад. Ширкатҳои ҳавопаймоие, ки бо фурудгоҳи Душанбе ҳамкорӣ мекунанд, дар ихтиёри худ ҳавопаймоҳои тозаистеҳсолшудаи Ил- 76, 86, Ту-154, тамғаҳои гуногуни "Боинг", "Эйрбас", Ан-120 (Руслан), ҳавопаймои "Геркулес", чархболҳои гуногунтамға доранд ва ҳангоми хизматрасонӣ бо ин намуд ҳавпаймоҳо аз ҳайати техникии фурудгоҳ дониши мукаммал ва дараҷаи баланди тахассусиро тақозо менамояд. Аз рӯи нақшаи таълимӣ 12 нафар мутахассисон техникҳои ҷавони фурудгоҳи байналмилалии Душанбе барои бозомӯзӣ ба маркази таълимии Ширкати ҳавопаймоии "Сибир" равон карда мешаванд.
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
