НАШЪУНАМОИ ХУБИ ПАХТА ДАР ҶУМҲУРӢ

Душанбе, 28 июл.(АМИТ «Ховар»,Лаззат Диловарзод).- Бино ба иттилои фаврии Раёсати растанипарварии Вазорати кишоварзӣ, соли ҷорӣ дар вилояти Суғд дар майдони 53 ҳазору 977 гектар чигит  кишт шуд. Тибқи дурнамои Раёсати кишоварзии ин вилоят мебоист    дар  масоҳати 55 ҳазор гектар чигит кишт  мешуд. Соли ҷорӣ аз офати табиӣ майдони 1445 гектар замини кишти пахтаи вилоят зарар дид,   аммо пахтакорони вилоят онро дубора кишт намуданд. Айни замон нашъунамои пахта дар ҳамаи ноҳияҳои пахтакори вилоят хуб аст. Тибқи чорабиниҳои агротехникии  дар вилоят гузаронидашуда то 26 – уми июл дар майдони 4167 гектар сарчинкунии пахта, дар 254 ҳазору 439 гектар коркарди байни қаторҳо, дар 112 ҳазору 610 гектар озуқадиҳӣ ва дар 103 ҳазору 238 гектар обдиҳии (вегетативӣ) -давраи сабзиш гузаронида шудааст.