НАВОЗАНДАИ ТОҶИК ДАР ОЗМУНИ БАЙНАЛХАЛҚӢ СОҲИБИ ҶОИЗАИ АВВАЛ ГАРДИД
Душанбе, 2 июл. (АМИТ «Ховар», Лутфия Эшонкулова).- Хатмкардаи Мактаб-интернати миёнаи махсуси мусиқии ҷумҳуриявии ба номи Зиёдулло Шаҳидӣ Парасту Саодатова дар ду озмуни байналхалқӣ ширкат варзида, соҳиби ҷойҳои намоён гардид. Аз ҷумла, дар Италия дар XII-умин Озмуни байналхалқии «EUTERPE» Парасту Саодатова соҳиби ҷоизаи аввал шуда, дар III-юмин Озмуни байналхалқии ба номи Д. Кабалевский, ки дар шаҳри Маскави Федератсияи Русия доир шуд, дар номинатсияи «Ансамбли навозандагон» соҳиби ҷойи сеюм гардид. Бояд гуфт, ки Парасту айни ҳол тибқи квота дар Донишкадаи давлатии омўзгорӣ-мусиқии ба номи М. Ипполитов-Иванови Федератсияи Русия таҳсили илм мекунад. Ҳамчунин, тибқи барномаи давлатии тайёр намудани кадрҳои баландихтисоси соҳаи фарҳанг имсол 14 нафар довталабон интихоб шуда, барои супоридани имтиҳоноти дохилшавӣ ба макотиби олии мусиқии Федератсияи Русия фиристода шуданд. Ёдрас шудан ба маврид аст, ки айни ҳол дар макотибҳои олии Русия, Украина ва Қазоқистон 78 нафар тоҷикистониён дар 27 равия таҳсил мекунанд. Дар ин бора ба АМИТ «Ховар» аз маркази матбуоти Вазорати фарҳанг хабар доданд.
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
