ОЛИМИ БАРҶАСТАИ КИМИЁИ ТОҶИК СОҲИБИ МЕДАЛИ ТИЛЛО ГАРДИД
Душанбе, 16 июл. (АМИТ «Ховар», Лутфия Эшонқулова).-Олими барҷастаи кимиёи тоҷик, академик Улмас Мирсаидов дар Озмуни илмӣ ва технологии соли 2010, ки дар давлати Марокко баргузор гардид, ширкат варзида, дар миёни намояндагони давлатҳои узви Созмони конфронси исломӣ дар соҳаи кимиё сазовори медали тилло, сертификат ва мукофотпулӣ ба маблағи 5 ҳазор доллари амрикоӣ гардид. Тавре ба АМИТ «Ховар» аз маркази матбуоти Вазорати фарҳанги ҶТ хабар доданд, озмуни мазкур дар доираи чорабиниҳои бахшида ба эълон гардидани шаҳри Душанбе ҳамчун пойтахти фарҳанги исломӣ дар соли 2010 аз ҷониби Созмони исломии оид ба илм, фарҳанг ва маориф (ИСЕСКО) моҳи марти соли равон эълон гардида буд. Дар озмун ҳамчунин дар соҳаи биология аз Ҷумҳурии Исломии Эрон – Ҳусейн Баҳорванд, дар соҳаи геология аз Ҷумҳурии Исломии Покистон – Муҳаммад Қосимҷон, дар соҳаи математика аз Урдун — Одибат Заид, дар соҳаи физика аз Фаластин – Шабат Муҳаммад ва дар соҳаи технология аз Малайзия — Емби Муҳаммад Амин ғолиб гардиданд. Маросими супоридани мукофот ба ғолибон 19-21 октябри соли равон дар пойтахти Малайзия шаҳри Куала Лумпур доир мегардад.
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
