РАФТИ КИШТИ ТАКРОРӢ ДАР ҶУМҲУРӢ

Душанбе, 2 июл.(АМИТ «Ховар», Лаззат Диловарзод).- Аз маркази матбуот ва иттилооти Вазорати кишоварзӣ ба мухбири АМИТ «Ховар» иброз намуданд, ки соли ҷорӣ баробари ҷамъоварии ҳосили ғалладона ва караму картошка кишти такрорӣ дар ҳамаи  майдонҳои холишуда гузаронида  мешавад. Тибқи дурнамои Вазорати кишоварзӣ, соли ҷорӣ дар масоҳати 175 ҳазор гектар гузаронида  шудани кишти такрорӣ пешбинӣ шудааст. То 1-уми июли соли ҷорӣ ҳамагӣ дар майдони 35 ҳазору 836 гектар, ки 20 фоизи нақшаи пешбинишударо ташкил медиҳад, кишти такрорӣ гузаронида шудааст. Аз ҷумла дар майдони 9422 га ҷуворимакка барои дон, дар 4333 га кишти шолӣ, дар 2716 га мош, дар 11га картошка, дар майдони 2716 га зироатҳои техникӣ ва дар 13 ҳазору 50 га хӯроки чорво кишт карда шудааст.