САДОИ МУСИҚИИ ҲИНДИЮ АФҒОНИЮ ЧИНОӢ ДАР ХОРУҒ

Хоруғ, 16  июл. (АМИТ «Ховар», Л.Додо). – Субҳи  16 июл дар  шаҳри  Хоруғ  фестивали  ҷаҳонӣ бо ширкати  ҳунармандони  Ҳиндустон,  Покистон, Чин, Афғонистон,  Қирғизистон,  дастаи  «Дилнавоз» — и шаҳри  Хуҷанд ва дастаҳои ВМКБ  оғоз  гардид.  Дар  фестивал  ғайр  аз суруду  мусиқӣ,  инчунин  аз  мамолики   номбурда  маҳсули  дастони  ҳунармандони  мардумӣ,  аз  ҷумла,  либос, намадҳои гуногун, тоқию  кулоҳ,  маҳсулоти  заргарӣ,  ороиши  занона ва  ғизои  миллиро  ба  намоиш  гузоштанд. Таъсисдиҳандаи   фестивал  Иттиҳодияи  ҷамъиятии  «Ҳамешаиспанд» — и  ВМКБ  мебошад. Тавре  намояндагони  ин  ҷамъият  иттилоъ  доданд, чунин  фестивал  соли  2008  дар  шаҳри  Хоруғ  рӯи  кор  омада,   бори  сеюм  аст мегузарад. Намояндагони  ҷамъияти  «Ҳамешаиспанд» афзуданд,  ки   мурод  аз  баргузории  фестивал  эҳёи  санъати  миллии  мардуми  Осиёи  Марказӣ, ки  бо  ҳам  пайванди  ногусастанӣ  доранд,  инчунин  боз  ҳам  қавитар  гардонидани  риштаи  дӯстию  бародарӣ  байни  мардуми  ин  ҳавза  мебошад.