СЕМИНАР ОИД БА ТАРЗИ ДУРУСТИ ҲУҶҶАТНИГОРӢ

Душанбе, 29 июл. (АМИТ «Ховар», Лутфия Эшонқулова).- Имрӯз дар толори Маркази таълими калонсолони Вазорати меҳнат ва ҳифзи иҷтимоии аҳолии ҶТ дар доираи Барнома оид ба мубориза бар зидди бемориҳои ВИЧ-СПИД, сил ва вараҷа дар ҶТ семинар баргузор гардид. Мавзӯи асосии семинар шинос намудани кормандони муҳосибии  ташкилоту корхонаҳои давлатию ғайридавлатӣ бо тарзи дурусти  ҳуҷҷатгузорӣ мебошад, зеро кормандони корхонаҳое, ки аз ин Барнома маблағ мегиранд, дар ҳуҷҷатгузориашон ба хатогиҳо роҳ медиҳанд. Бояд қайд кард, ки Барномаи мубориза бар зидди ВИЧ-СПИД, сил ва вараҷа дар Ҷумҳурии Тоҷикистон солиёни дароз дар табобати мардуми мубтало ба ин бемориҳои номбурда саҳми арзанда мегузорад.