ТАТБИҚИ ҚОНУНИ ТАНЗИМ ДАР БАДАХШОН

Душанбе, 29 июл.(АМИТ « Ховар», Л. Додо).-Сокинони ВМКБ ба моҳияти қонуни танзими анъана ва ҷашну маросимҳо эътибори ҷиддӣ медиҳанд.Тавре мудири бахши танзими анъана ва ҷашну маросимҳои ҷамоати Тавдеми ноҳияи Роштқалъа Сипанёр Алиёров иттилоъ дод, риояи комили ин қонун барои бошандагони Бадахшон хеле манфиатбахш  мебошад, зеро дар ин диёри камзамин хароҷоти зиёдатӣ дар тӯйҳову маросимҳои дигар зарбаи сахтест ба буҷаи оила. Ҳоло дар ҷамоат 24 комиссияи доимоамалкунанда таъсис дода шудааст, ки дар ҳайати онҳо сарварони мактаб,намояндагони дин, нафарони барӯманд, аъзои Шӯрои занон шомиланд. Ҳафтаи гузашта тӯйи суннатии 4 нафар кӯдак аз оилаҳои камбизоат гузаронида шуд. Агар 3-4 сол қабл дар ҳудуди ҷамоат соле беш аз 10 қонуншиканӣ ба қайд гирифта мешуд, дар 6 моҳи соли ҷорӣ танҳо 2 қонуншиканӣ ба қайд гирифта шудааст.