ҒОРАТГАРӢ

Душанбе, 19 август. (АМИТ «Ховар», Зебо Иноятова).- Сокини кӯчаи  Федини ноҳияи Сино ба Шӯъбаи корҳои дохилӣ ариза дода, шикоят кард, ки 11 июли соли равон дар назди бинои  № 52 шахси номаълум ба ӯ ҳамла оварда, гарданбанди тиллоияшро бо роҳи зӯрӣ кашида гирифта, аз ҷойи воқеа ғайб задааст. Ба қавли ҷабрдида, гарданбанди тиллоӣ 700 сомонӣ арзиш дошт. Кормандони Шӯъбаи корҳои дохилии № 1 ноҳияи Сино дар натиҷаи андешидани тадбирҳои фаврӣ шаҳрванд Фаридун Шоназарови 19 соларо дастгир намуданд. Ӯ дар ягон ҷой кор намекунад. Мухбири АМИТ «Ховар» хабар медиҳад, ки нисбат ба Ф. Шоназаров парвандаи ҷиноӣ кушода шуда,  тафтиши он давом дорад.